何柱國反擊梁振英 (《am730》，09/12/2011)

下屆特首參選人梁振英早前不點名指遭《星島日報》針對，引發星島新聞集團主席何柱國昨日高調還擊，他強調該報記者的提問並無錯，報道亦有根據，梁振英的指控並不公道。他強調並無質疑梁振英的誠信，又指自己與梁振英的關係較與另一特首參選人唐英年更好，但他質疑梁振英的公司「一鋪清袋」，是否有能力管治香港。

梁振英：公道自在人心

梁振英昨日中午到灣仔向市民派傳單，他重申尊重新聞自由，亦一直配合前線記者採訪，但他無回應報道哪部分失實，只強調「公道自在人心」，並指現時專注選舉工程，但會因應事態發展作出回應。梁振英競選辦昨日傍晚發表聲明，指他相信大眾會作公平判斷，並堅持特首選舉應是君子之爭，以理念、政綱和能力爭取全港市民支持。

何柱國昨日召開記者會，先開宗明義表明與梁振英關係已維持9、10年，大家關係很好，但他隨即發炮，指梁振英身為其集團非執行董事，「應知道我哋係唔作新聞，係以事實報道，佢嘅指控對星島唔公道」，並直斥梁振英「『隊』我伙記(記者)」。他指出，「記者問你嘢問成個幾月，你迴避佢唔答，唔答咪問多幾次囉，大聲同細聲有乜關係？」他又說，「你今日做選舉，做一個政客出嚟選舉，你應有心理準備，記者要你好清楚交代啲嘢，你咪講囉，死唔到去邊度㗎，唔得咪唔做囉，但係唔好搵呢啲機會鬧記者。」

何柱國力撐旗下記者追問梁振英有關戴德梁行業務問題並無錯，「佢(梁振英)話星島記者問佢乜乜Z公司(戴德梁行DTZ)，我真係講唔出間公司叫咩名……我睇番星島話呢間公司『一鋪清袋』，我亦睇番外電同佢公司發出statement都有話no value，no value照我字面解釋就係毫無價值，或者星島條題唔應該用『一鋪清袋』，或者佢唔鍾意聽到，或者話佢『事業失敗』啦。」

質疑公司清袋如何治港

他亦質疑梁振英的能力，「呢間公司係你主業嚟㗎，阿sir，如果你間公司嘅主業做到零，將來你管治香港，會唔會因著你嘅決定唔啱，令到香港一鋪清袋？你識唔識管治呀？」對於有報道引述梁振英指他仍保留DTZ部分亞太區股份，何柱國質疑，「你上市公司話清咗袋後，個value變咗零，但你仲揸住亞太公司股份，阿媽都破咗產，點會仔仲有錢呀？」他並回應梁振英指股市有起有落的說法，「你除咗牌啦，點起法呀？裝隻飛機翼呀？噴射機飛呀？」他又指梁振英回應事件如唧牙膏。

對於梁振英批評報道別有動機，何柱國舉起隨身帶備的報刊說，「好似呢張報紙話佢共產黨，又話佢係地下黨，係唔係佢自己先知，我哋有無寫過？公司大過我哋都寫，做乜佢唔講，係咪蝦我公司細啫？」他又說，「我動機係保護伙記咋嘛，我條氣唔順，話我公司對佢唔公道，咩公道自在人心……」

被問及會否要求梁振英道歉時，何柱國說，「你諗佢會唔會道歉？梗係唔會啦，我亦唔夠佢講，佢口才又叻過我。」他並質疑梁振英有關其紮腳媽媽的講法，「紮腳可以紮三隻腳趾，你有冇聽過？凸咗兩隻腳趾出嚟，張相佢自己俾㗎；你哋去美容院整手甲，會唔會剩係修兩隻，嗰三隻唔好修吖？」至於會否控告梁振英誹謗，他則說，「我哋細公司，有時忍氣吞聲好啲嘅，有啲嘢唔開心就吞咗去啦，你今日都冇跌親冇跌損手腳，人哋咁好勢，咪吞啖氣囉，冇所謂，我哋好忍得呢啲嘢。」

自言與梁關係勝唐英年

何柱國無明確表態「雙英」中支持哪位當特首，但認為最重要是誠信、及是否有能力管治香港這個複雜的城市，又指政府不能單靠一個人，需要借助人才及整個團隊協助施政。對於《星島》對梁振英的報道是否較負面，對唐英年的報道則較正面，他指並無此感覺，並反指與梁振英交情更長，「我同佢有9年關係，我同佢關係一定好過唐英年，因為唐英年生活習慣同我唔同。」

但他讚賞唐英年面對批評的反應，「CY LEUNG(梁振英)公開話唐英年係蠢人，唐英年冇聲出……有人問佢(唐英年)瞓喺張棺材(惡搞相)點呀，佢笑吓話『我死一次好啦，唔好俾我死第二次』，呢個(答得)好大方吖，好過嗌你幾句，你要斬住搵把刀劈人咁。」

有記者問何柱國，若梁振英做特首會否「驚」，他反問記者，「你驚唔驚吖？你驚唔驚佢封殺你新聞吖？(佢)咁惡，我認為無需要驚嘅，佢個人好大量嘅，鬧下你幾句就冇事㗎啦，你夜晚瞓得著嘅。」他否認與梁振英劃清界線，又指並無質疑其誠信，至於梁振英是否繼續出任集團非執董，何柱國說，「佢話考慮辭職嘛，佢咁話我同事，佢應該自己諗吓點做啦。」

何柱國與梁振英同是全國政協常委，兩人同室操戈予外界感覺建制派不團結，但何說，「我唔屬建制派，我唔知咩叫建制派，我何柱國就係我自己一派。」如何形容與梁振英的關係，他則指「雞同鴨講，咪佢有佢講，我有我發表囉。」

至於與梁振英是否仍是朋友，他答道：「朋友？佢叫我食飯，我梗會去嘅。」記者追問梁振英被形容為「狼」是否貼切，何柱國說，「唔係我形容」，又指「公道自在人心」。 (相關新聞見P.02)


唐英年：盡力爭支持 民意支持僅及梁振英一半

特首選舉戰雲密布，參選人唐英年和梁振英頻頻落區爭取民意支持，但最新一份特首選舉民意調查顯示，唐英年的民意支持度，仍只及梁振英的一半。唐英年表示，每次民調對他均有參考作用；對於星島新聞集團主席何柱國對梁振英的言論，唐不作評論。

港大民意研究計劃受《南華早報》委託，於上月28日至本月1日，進行2012年行政長官選舉民意調查，訪問了1,012名香港居民。調查顯示，若只有唐英年和梁振英兩名候選人，僅有26%市民選擇唐英年當選特首，而選擇梁振英則有52.7%。若特首選舉加入何俊仁，仍以梁振英的支持度最高，有47.3%，唐英年的支持度仍然只及梁的一半，只有23.8%，何俊仁則有3.7%。

調查又顯示，市民普遍認為特首需具備的特質，包括「對香港長遠發展有遠見」(68.6%)、「有領導才能」(63.1%)和「有個人誠信及道德操守」(52.9%)，另有29.6%認為特首要「熟悉政府運作」及22.5%認為要「與北京關係良好。對於參選人的競選團隊和主要支持者，有34.4%受訪者表示「完全沒有影響」選特首的取向， 21%表示「影響不大」，只有26.4%認為有影響。

對於唐英年承認做了一件「傷害夫妻感情嘅事」，有59.6%受訪者指，無因事件改變對唐英年的看法，亦有34%表示對唐的看法變得負面。10月的同一項調查，只有25%受訪者有負面看法。

唐英年回應民意支持度遠低於對手時指，每次民調均有參考價值，會盡最大努力爭取市民及選委支持。對於何柱國反擊梁振英的抹黑指控，唐英年不評論何柱國的說話，但認為香港有言論自由，梁振英大可提出任何質疑；他又說，與何柱國是朋友關係。唐英年指，香港最重要的核心價值是言論及表達自由，傳媒很重要，將事實不偏不倚、客觀地報道。

另外，有報道指，港澳辦前主任廖暉退休後，仍到港澳辦辦公室上班。現任港澳辦主任王光亞昨午回辦公室上班時，沒有回應有關報道。