顧委會籲港台多溝通捱轟 (《蘋果日報》，22/03/2013)

【本報訊】被稱為「太上皇」的香港電台顧問委員會前日開會，委員會主席黃嘉純揚言，各委員「非常關心」港台員工受政治壓力事件，但僅建議員工與管理層「多啲去溝通」。港台節目製作人員工會主席麥麗貞反駁稱，今次事件「唔係溝通嘅問題」。

黃嘉純昨出席一活動後指，昨日委員會會議上，「委員一致非常關心呢件事」，但留意到港台仍運作正常，「希望各方上上下下嘅同工，都可以抱住一個專業嘅態度，行使番佢哋應有嘅責任」，他又擺出支持港台員工態度：「幾時都覺得港台係一個非常非常重要嘅機構，因為佢係可以代表到香港人好珍惜嘅價值觀，包括言論自由、多元嘅發展，同埋可以提出多啲嘅創意。」

不過，他未有質疑廣播處長鄧忍光有否政治干預港台，更指鄧身為港台總編輯也有其角色，「我哋（委員會）唯一建議係大家多啲溝通」。

「唔係溝通問題，係理念問題」

麥麗貞反駁，黃嘉純未有接觸過工會，又指黃對事件的理解錯誤，「佢覺得係溝通嘅問題，事實唔係溝通嘅問題，係理念、認知嘅問題」。