壹傳媒主席黎智英指，特首在施政報告為挽民望亂派錢，種下加稅禍根。
【本報訊】《am730》及《蘋果日報》突被有組織抽廣告，壹傳媒主席黎智英昨表示，集團一直遭受中資機構等大財團抵制，曾估計每年廣告收入因而損失二億元。但他承諾為免子孫罵他「契弟」，不會讓大財團「買起」壹傳媒。
指佔中是爭普選希望
黎智英接受商台《在晴朗的一天出發》錄音訪問時說，以往抽廣告的包括在內地業務龐大的公司，加上最近銀行大戶也突抽廣告，壹傳媒確實承受廣告壓力，「一年我哋冇嘅廣告，以前嚟計，都超過兩億。係咪政治壓力，或者其他嘢得罪人哋就唔知」。
主持人陳志雲問他廣告商曾否明言不滿壹傳媒立場，黎說：「我覺得冇人咁白癡，叫你唔好咁寫會抽，俾你揸住話柄。個個都係暗啞底咁抽」。
黎智英強調，目前集團數碼化轉營成績理想，暫時不會結業，「如果蝕到我飛起，都頂唔到嘅，但係𠵱家都唔會」。壹傳媒以往多次傳出賣盤，陳志雲問道：「如果有人畀好多錢買起你個集團，會唔會考慮？」黎說，這筆錢再多也難以洗脫「契弟」污名，「如果我啲子孫第二日話，我老竇好有錢，不過契弟嚟㗎，咁我點呢？你畀幾多錢我都唔肯做契弟嘅大佬。」台灣《蘋果日報》去年賣盤，親北京財團一度打算入主，最終拉倒。
對於2017年能否實現真普選，黎坦言不敢抱厚望，但佔中「係唯一可以爭取到普選嘅少少希望」。他斥特首梁振英在施政報告為挽民望亂派錢，種下加稅禍根，最終窒礙經濟發展。黎認為，推動經濟的最佳方法就是減稅，「應該做嘅佢唔做，將啲錢去買民調，我覺得梁振英係梁振英囉。」
壹傳媒平面媒體行政總裁葉一堅表示，集團刊物多年來遭中資機構及大地產商杯葛，黎曾估計每年因此損失二億元廣告收入。至於最近銀行等大戶突然抽廣告對集團的損失，目前難以估計。
黎智英指不怕無綫封殺。
稱與TVB各行各路 「歡迎封殺」
【本報訊】無綫（TVB）因遭網民抵制而遷怒壹傳媒，封殺令至今持續兩個月，壹傳媒主席黎智英首次開腔談及事件，明言與無綫各行各路，「歡迎封殺，繼續封殺，多謝封殺，永遠封殺」。他希望壹傳媒讀者並非對無綫有興趣的「順嫂」。無綫高層稱從沒封殺壹傳媒，只是「合作出現問題」。
指影響越大越激發創新
無綫前業務總經理陳志雲訪問黎智英時，詢問黎會否與無綫修好，黎形容封殺令是「歷史性發展」，毋須修好，「大家行大家嘅路囉」。
黎智英又指壹傳媒就無綫的報道只是反映市民心聲，就算封殺對其業務有影響，也「食得鹹魚抵得渴」，「影響越大，我哋能夠創出一條新路嘅可能性就越大。只會係好事，唔會係壞事。TVB新聞可能對順嫂有興趣，但係希望我哋唔係咁多順嫂嘅讀者囉」。商台主持人李慧玲曾向黎抱怨《蘋果》對無綫封殺令的報道篇幅太小，黎解釋「自己嘢都唔會做大，低調處理」。
無綫助理總經理區偉林昨出席公開活動時指，無綫從沒用封殺二字，「只不過係合作方面出現問題，暫時停止合作。呢個世界冇絕對嘅，今日嘅敵人，聽日係朋友，就算唔做朋友都好，大家都唔需要做敵人，我哋立場從來冇話封殺佢哋」。
區偉林續稱：「我哋立場冇話過要絕交，希望唔會行到呢條路。」無綫去年發聲明表示把壹傳媒列為「不受歡迎媒體」，不讓壹傳媒記者進入電視城及採訪無綫藝員及活動。
沒有留言:
張貼留言