（特寫）特首關心傳媒驚撞親身體 (03/12/2012)

行政長官崔世安昨日出席一公開活動，傳媒抱着「博一博」心態，在會後提問特首有關萬九公屋若然「跳票」責任誰屬？令傳媒喜出望外的是特首竟然停低開金口：「千祈唔好碰撞影響你哋身體，唔好咁緊張，我慢慢答⋯大家唔好咁緊張，我最緊張係你地嘅身體。」

但事實上，特首身旁G4似乎比傳媒更緊張，當傳媒一圍向特首，身形高大健碩的G4群即時形成人牆，有電視台攝影師險在G4推撞下被攝影機撞傷眼睛，而帶頭提問特首的女記者亦一直被其中一名G4捉住隻手直至訪問結束。特首的確如他所言「企定定」接受訪問，但在G4的包圍及對待下，似乎傳媒亦只可以「企定定」訪問。
　　
雖然特首話「慢慢答」，但其實都只係答咗「呢一兩日阿劉司會去呢個立法會，亦會詳細解釋萬九進度」及「（傳媒）又唔使喺今日呢個場合進逼我邊個要負責，如果件事發生咗，我諗一個負責任嘅政府，邊個要負責係好明確，大家唔好咁緊張。」等，實質回應傳媒的並不多，歷時兩分鐘的訪問，特首只分別用了1分鐘時間關心傳媒，1分鐘回答問題。當傳媒想追問時，特首便在G4的保護下迅速離開會場。
　　
本報記者 維