特首參選人梁振英連日與《星島日報》隔空駁火，指有關「一鋪清袋」的報道失實，該集團女記者大聲追問尷尬問題後，星島集團主席何柱國昨力撐記者，多番質疑梁的誠信及管治能力，更揶揄由梁任特首，擔心管治會令香港「一鋪清袋」。何柱國更說與梁的關係好過唐英年，卻又形容他與梁是「雞同鴨講」，並質疑梁針對星島記者，是「蝦」其公司細，但會忍氣吞聲，不會向梁採取法律行動。梁振英昨晚發表聲明回應，指一向尊重新聞及言論自由，公道自在人心。
何寸爆振英「你識唔識管治」
《星島集團》主席何柱國昨在記者會上多番暗寸梁振英(小圖)，火藥味濃，他重申集團旗下刊物是依據事實報道，否認有動機，該集團記者「大細聲」無關重要。何又說政客應有心理準備交代記者的提問，若梁「唔得」，「咪唔好做囉」。
何柱國稱，《星島日報》在報道戴德梁行(DTZ)，被澳洲公司收購時，用題「一鋪清袋」或不恰當，但事件可反映擔任特首的個人能力。
何甚至連其英文名字簡稱DTZ也說不清，不斷以「咩Z公司」來形容；又說：「呢間公司係你主業嚟㗎，阿Sir，如果呢間公司主業做到零，將來你管治香港，會唔會因你嘅決定唔啱，令我哋香港一鋪清袋呀？你識唔識管治呀？」
他強調當時記者的追問沒有問題，梁身為政客，應有心理準備向記者交代問題，不想「擠牙膏」般來取得真相。他又質疑梁誠信，梁聲稱仍擁有戴德梁行的亞太區股份，但戴德梁行已除牌，不明梁為何還可持有股份，揶揄他「阿媽破咗產，點解個仔仲會有錢」，又說「我財經一定好過佢，但都唔識計，想請教吓佢，學吓佢啲財技」。
喻雙方雞同鴨講
對於梁振英的批評，何柱國說，「我哋細公司，有時忍氣吞聲好啲，有啲嘢唔開心就吞咗佢，人哋咁好勢，我哋咪吞咗佢囉。」他又不擔心得罪梁，「咁你驚唔驚佢封殺新聞自由吖？我覺得毋須要驚，佢好大量，鬧你幾句就無事，你夜晚會瞓得着。」
問及與梁的關係是否破裂，何回應是「雞同鴨講」，各有表述。有指身為政協常委的他與唐英年相熟，該集團的報道有偏頗，但何強調與梁相識9年， 關係較唐密切。
讚唐回應惡搞大方
但他大讚唐英年回應惡搞時反應大方，「好過問幾句，就想攞把刀嚟斬我，我就絕對做唔到政治人物，如果你擺我入棺材，我就一定唔得。」何又手執《壹周刊》，指「人哋話佢係共產黨地下黨，真假佢自己先知。我哋記者問咗佢個幾月都迴避，我唔認為大細聲係有關。」
外界將梁譬喻為「狼」，何以「公道自在人心」回應，又說自己非建制派，只是「何柱國派」。會否要求梁辭退集團非執董，何指梁應自己想如何做。唐英年回應他與何是朋友，但拒評何梁爭論。
振英母紮腳露兩趾 柱國質疑講大話
真相 何柱國昨回應會否要求梁振英道歉時，反而提及梁早前在參選大會上，提到母親紮腳的言論，並質疑梁「講大話」。「我唔夠佢講，佢口才叻過我，紮腳可以紮3隻腳趾嘅，你有無聽過？凸咗兩隻腳趾出嚟？張相係佢自己畀㗎。」
翻查梁競選網頁上的照片，其中一張可發現盤坐着的梁母，其右腳隱約見到有兩隻腳趾伸出，與紮腳說法可能有出入。梁競選辦僅稱已發出聲明回應，不再評論。早前梁辦指民初時紮腳仍然流行。
沒有留言:
張貼留言